Keshe Qabıbolla Jaqypovtyń tóraǵalyǵymen Májilis bıýrosy ótti. Onda palatanyń aldaǵy jalpy otyrysynda qaralatyn kún tártibiniń jobasy naqtylandy.
Depýtattardyń talqylaýyna 2010 jylǵy 9 jeltoqsandaǵy Qazaqstan men Reseı Úkimetteri arasyndaǵy Qazaqstanǵa munaı jáne munaı ónimderin jetkizý salasyndaǵy saýda-ekonomıkalyq yntymaqtastyq týraly Hattama ratıfıkasııalaýǵa shyǵarylady.
Kún tártibiniń jobasyna birinshi oqylymǵa «Dene shynyqtyrý jáne sport týraly» zań jobasy ilespe túzetýlerimen engizildi.
Sonymen qatar, osy jalpy otyrysta Májilis «Qaıyrymdylyq, demeýshilik jáne mesenattyq qyzmet týraly» zań jobasy ilespe túzetýlerimen jáne «Qazaqstan Respýblıkasy men Halyqaralyq Qaıta qurý jáne damý banki arasyndaǵy Qaryz týraly kelisimdi (Sot tóreliginiń sektoryn ınstıtýttyq nyǵaıtý jobasy) ratıfıkasııalaý týraly» zań jobasyna qorytyndy ázirleý mezgilin naqtylaıtyn bolady, dep habarlady palatanyń baspasóz qyzmeti.