Nobel syılyǵy laýreattarymen kezdesti

Memleket basshysy VII Astana ekonomıkalyq forýmyna jáne Daǵdarysqa qarsy dúnıejúzilik konferensııaǵa qatysqan Nobel syılyǵynyń laýreattarymen kezdesti, dep habarlady Prezıdenttiń baspasóz qyzmeti. Memleket basshysymen kezdesýge Vıýtrıh Kýrt, Fınn Kıdland, Djordj Fıtsdjerald Smýt III, Mýhammad Iýnýs, Svıatoslav Tımashev, Pıssarıdes Krıstofer, Are Varshel qatysty. Nursultan Nazarbaev óz suh­bat­tastaryna VII Astana ekono­mıkalyq forýmyna qosqan úles­teri úshin alǵys aıtyp, bul sharaǵa Astanalyq Nobel syılyǵy laýreattary klýbynyń qurylýy erekshe mańyz beretinin atap ótti. – Forýmǵa sizderdiń qa­ty­sýlaryńyz arqyly búginde álemde az bolmaı otyrǵan eko­nomıkalyq túıtkilderdiń syndarly sheshimine naqty úles qo­sylady. Sessııalarda sóz sóı­lep, usynystar ázirleýdiń jáne Forýmnyń qorytyndy qu­jat­taryn daıyndaýǵa qatysýdyń mańyzy zor, – dedi Qazaqstan Prezıdenti. Áńgimelesý barysynda álem­degi ekonomıkalyq, áleýmettik jáne saıası damýǵa qatysty bir­qatar problemalar, sondaı-aq jahandaný jaǵdaıyndaǵy Qa­zaq­stannyń damý máseleleri talqylandy. Nursultan Nazarbaev álemdik qarjy-ekonomıkalyq daǵdarys saldarlary burynǵysynsha ja­handyq ekonomıkany qatty qyspaqqa alyp otyrǵanyn, Eýro­padaǵy ekonomıkalyq problemalardy sheshýdegi dúdámaldyq, damýshy elderdegi ósim qarqynynyń baıaýlaýy sonyń nátıjesi ekenin aıtty. Sondaı-aq, Memleket basshysy qazirgi zamandaǵy álemdik syn-qaterler jaǵdaıynda Qazaqstan qolǵa alyp jatqan sharalar týraly áńgimeledi. Atap aıtqanda, Nursultan Nazarbaev elimiz 2050 jylǵa deıingi damý strategııasyn, sondaı-aq uzaq merzimdi údemeli ındýstrııalyq-ınnovasııalyq baǵdarlama qabyldaǵanyn atap ótti. Budan bólek, Nursultan Na­zar­baev Qazaqstannyń álem­dik, sonyń ishinde balamaly ener­­getıkaǵa eleýli úles qosyp otyr­ǵanyn aıtty. Buǵan Asta­nada «Bo­­lashaqtyń energııasy» taqy­ryby­men EKSPO-2017 kórmesin ótkizý de septigin tıgizetin bolady. О́z kezeginde Nobel syı­ly­ǵynyń laýreattary Qazaqstannyń ǵylym men ınnovasııanyń damýyna qosqan zor úlesin, sondaı-aq VII Astana ekonomıkalyq fo­rýmynyń jahandyq áleýmettik-ekonomıkalyq máselelerdi tal­qylaýǵa arnalǵan álemdik platforma bolyp otyrǵanyn atap ótti.