Polıseıler qostanaılyq turǵynynyń vannasynan jylan alyp shyqty, dep habarlaıdy Egemen.kz oblystyq PD baspasóz qyzmetine silteme jasap.
20 qazanda «102» pýltine Qostanaı turǵynynan vanna bólmesinen jylan tabylǵany týraly habarlama tústi. Oqıǵa ornyna ýchaskelik polısııa ınspektory Asqar Mentaev pen onyń áriptesi Serik Malǵajdar barǵan.
«О́tinishti alǵannan keıin biz mekenjaıǵa keldik. Onda uzyndyǵy 20-25 santımetr bolatyn jylandy taptyq. Onyń qaıdan paıda bolǵanyn biz qazir anyqtap jatyrmyz, ol bireýlerdiń úı janýary bolǵan tárizdi. Qazirgi ýaqytta biz ıesin izdep jatyrmyz. Oqıǵa ornyna TJM qyzmetkerleri de keldi», dedi ýchaskelik Asqar Mentaev.
Keıinnen mamandar ustalǵan jylannyń kádimgi sý jylan ekenin aıtty.
Polıseıler jylandy qaladan alyp shyǵyp, tabıǵı ortaǵa jibergen.
Aıta keteıik, qazan-qarasha aılarynda sýjylandar ártúrli shuńqyrlar men sańylaýlarǵa enip qystaıdy.