Bıyl toǵyz aıda elimizdiń kásiporyndarynda 999 adam zardap shekti, bul 2021 jyldyń sáıkes kezeńinen 5,8%-ǵa tómen. Bul týraly Eńbek jáne áleýmettik qorǵaý komıtetiniń tóraǵasy Tólegen Ospanqulov málimdedi, dep habarlaıdy Egemen.kz.
Sondaı-aq bıyl 134 adam qaza tapty, bul 2021 jyldyń sáıkes kezeńinen 4,3%-ǵa tómen.
«Jazataıym oqıǵalar negizinen jumysshylardyń abaısyzdyǵynan bolyp jatady. Bul rette Qaraǵandy, Shyǵys Qazaqstan, Qostanaı, Aqtóbe, Pavlodar oblystarynda jáne Almaty qalasynda jaraqattanýdyń joǵary deńgeıi jıirek bolady. Ekonomıka salalary bólinisinde zardap shekkenderdiń eń kóp sany taý-ken metallýrgııa kesheniniń kásiporyndarynda jáne qurylys salasynda baıqalady», dedi Tólegen Ospanqulov.