Qasym-Jomart Toqaev memlekettik nagradalar men syılyqtar tapsyrýǵa arnalǵan rásimde Qazaqstandaǵy ishki turaqtylyq jaıly sóz qozǵady, dep habarlaıdy Egemen.kz.
«Bizdiń ishki turaqtylyǵymyz – elimizdiń odan ári damýynyń mańyzdy sharty jáne eýrazııalyq qaýipsizdikti qamtamasyz etetin faktor. Qazaqstan dúnıe júzine ozyq damýǵa bet alǵan jáne barsha álemge ashyq memleket retinde, sondaı-aq Birikken Ulttar Uıymynyń Jarǵysy negizinde halyqaralyq qatynastardyń ádiletti júıesin qurýdy kózdegen el retinde tanymal. Konstıtýsııa – memlekettigimizdiń kepili. Soǵan sáıkes elimizdiń árbir azamaty birtutas Qazaqstan halqynyń ajyramas bóligi ári el taǵdyryna yqpal etetin qoǵam múshesi. Ata zańymyz ár adamǵa osyndaı quqyq berip otyr», dedi Prezıdent.