Ortalyq saılaý komıssııasy prezıdenttikke kandıdattardyń saılaýaldy shtabtarynyń ókilderine arnalǵan oqytý semınaryn ótkizdi.
Semınarda negizgi spıkerler retinde Ortalyq saılaý komıssııasynyń músheleri Sábıla Mustafına, Anastasııa Shegorsova, OSK apparatynyń bıýdjetti josparlaý jáne oryndaý bóliminiń meńgerýshisi Gúlnaz Kembaeva, «Halyq bank» AQ Astana qalasy boıynsha fılıalynyń ókilderi Janar Rahımova, Janııa Dosbaeva, sondaı-aq Astana qalasy ákimi apparatynyń qarjy-sharýashylyq bóliminiń basshysy Aınagúl Iksan sóz sóıledi.
Semınar qatysýshylaryna prezıdenttikke kandıdattardyń BAQ-ta sóz sóıleýine respýblıkalyq bıýdjetten bólingen qarajat kólemi men tártibi, kandıdattyń saılaý qorlaryn qurý, saılaý qorytyndylary belgilengennen keıin qarajatty paıdalaný týraly esepterdi usyný, sondaı-aq kandıdattardyń barlyq qarjy operasııasy men prosedýrasyn ashyq, ádil qamtamasyz etý týraly máseleler tolyq túsindirildi.
Saılaýaldy shtabtardyń ókilderi jarııaly saılaýaldy sharalardy ótkizý arqyly kandıdattardyń saılaýaldy úgitti júrgizý, onyń ishinde BAQ arqyly, baspa, aýdıovızýaldy jáne basqa da úgit materıaldaryn shyǵarý jáne taratýdyń quqyqtyq sharttarymen tanysty.
Spıkerler kandıdattardyń saılaýaldy shtabtarynyń ókilderi tarapynan saılaý naýqany aıasynda qoıylǵan suraqtaryna tolyq jaýap berdi.