ASTANA. 24 mamyr. Búgin fýtboldan Qazaqstan chempıonaty premer-lıgasynyń 13-týry oıyndary oınaldy. Bul týraly egemen.kz tilshisi habarlady.
Bir qyzyǵy, oınalǵan 6 oıynnyń 5-inde bir esep – 1:0 degen nátıje tirkeldi. Al budan bólek esep – 2:1 Taldyqorǵanda tirkeldi. Onda jergilikti «Jetisý» Qostanaıdyń «Tobylyna» utyldy. Goldardy aldymen qonaqtar saldy (Tomas Shımkovıch, Igor Býgaev). Alań ıeleri 65-mınýtta Botı Demel bir doptyń qarymtasyn qaıtardy.
Qalǵan oıyndarda myna komandalar jeńiske jetti: «Spartak» (Semeı) – «Aqtóbe» (Aqtóbe) 0:1, «Shahter» (Qaraǵandy) - «Taraz» (Taraz) 1:0, «Ordabasy» (Shymkent) - «Qaırat» (Almaty) 1:0, «Qaısar» (Qyzylorda) – «Astana» (Astana) 1:0, «Atyraý» (Atyraý) – «Ertis» (Pavlodar) 0:1.
Gol soqqandar: Semeıde - Markos Pızellı, Qaraǵandyda - Mıhret Topchagıch, Shymkentte - Mıhaıl Bakaev (avtogol), Qyzylordada – Mamýtı Kýlıbalı, Atyraýda - Konstantın Dýdchenko.
Osy týrdan keıin «Aqtóbe» óziniń top basyndaǵy pozısııasyn jaqsarta tústi. Al Dmıtrıı Ogaıdyń tálimine kóshken «Qaısar» týrnırde ótken jolǵy 3-ornyna birinshi ret 2-orynǵa almastyrdy.
Damır Qojamqul.
Derekkóz: egemen.kz.
Foto: «Qaısar» klýbynyń saıty.