Nashar ınternet úshin qazaqstandyq baılanys operatorlary shamamen 271 mln teńge tólegen. Bul týraly Qazaqstannyń sıfrlyq damý, ınnovasııalar jáne aeroǵarysh ónerkásibi vıse-mınıstri Áset Turysov Májilis alańynda aıtty, dep habarlaıdy Egemen.kz.
Vıse-mınıstrdiń aıtýynsha, Qazaqstanda baılanys operatorlary úshin jaýapkershilik kúsheıip jatyr.
«Meniń bilýimshe, baılanys operatorlary shamamen 271 mıllıon aıyppul tólegen. Biz tıisti zańnamaǵa ózgerister engizdik, baılanys sapasynyń parametrlerin bekittik. Eger qandaı da bir másele týyndasa, bizdiń mınıstrliktiń baılanys komıtetine E-otinish júıesi arqyly shaǵymdanýǵa bolady. Bizdiń aýmaqtyq mamandar barynsha kómektesedi. Eger sapa máseleleri boıynsha buzýshylyqtar bolsa, onda tıisti aıyppul salynady», dedi Áset Turysov.
Sondaı-aq ol qandaı operatormen qoldanatynyn jáne qoldanys aıasynda qandaı problemalarǵa tap bolǵanyn aıtty.
«Mende Activ bar. Negizinde meniń qajettilikterim úshin qolaıly jumys isteıdi», dep jaýap berdi Á.Turysov.