ASTANA. 25 mamyr. Búgin Belarýs astanasy – Mınsk qalasynda aıaqtalyp jatqan hokkeıden álem chempıonatynda Shvesııa quramasy Chehııa komandasyn 3:0 etip utyp, qola medalge qol jetkizdi. Bul týraly Chempıon.Rý habarlady.
Oıyn chehtardyń shabýylymen bastaldy. Shvedter qorǵanysqa barynsha qatty kóńil bólip, qarsy shabýyl jasaýǵa beıimdeldi. Osy taktıka túbinde Tre Krýnýr jigitterin jeńiske jeteledi. Olar bir-birimen óte túsinise oınady. Qatty tózimdilik tanytqan shvedter birinshi kezeńde jasaǵan qarsy shabýyldary kezinde qarsylastar qaqpasyna eki shaıba salyp úlgerdi. Al sońǵy kezeńde taǵy bir gol soqty. Olardy Iýakım Lındstrem (5-ıa mınýta), Sımon Iаlmarsson (16) jáne Mıkael Baklýnd (49) óz esepterine jazdy.
«Oıyn kezinde qarsylastarymyz bizge qaraǵanda áleýetti kórindi. Ol qaqpalarǵa jasalǵan soqqylar sanynan da kórinedi. Al bizdiń qaqpashy Anders Nılsson matchty óte tamasha ótkizdi. Ol óz qaqpasyna birde-bir shaıba saldyrǵan joq. Osynyń arqasynda biz qola medal ala aldyq», - dedi Shvesııa quramasynyń bas jattyqtyrýshysy Per Morts.
Damır Qojamqul.
Derekkóz: Chempıon.Rý.
Foto: Chempıon.Rý.