Dástúrli doda

Jarty ǵasyrdan beri «Zarıa Vostoka» ga­ze­tiniń uıytqy bolýymen dástúrli túrde «Altyn kúz» jeńil atletıka krosy uıymdastyrylyp keledi. Bıyl jarys aýdanda 55-shi ret ótip, «Zarıa Vos­toka» gazetiniń burynǵy dırektory Baqytjan Imambaevty eske alýǵa arnaldy.

Jeksenbi kúni tańerteń jarysqa qatysýǵa nıetti sportshylar belgilengen orynǵa jınaldy. Krosqa qala men aýdannyń jalpy bilim beretin mek­tepteriniń oqýshylary, kolledj stýdentteri, óndiristik kásiporyndar men memlekettik uıymdar­dyń qyz­metkerleri jáne sport ardagerleri qa­tysty. Sórege uzyn sany 400-ge jýyq sportshy turdy.

– Búgin biz tabysty kásipker jáne belsendi sportshy bolǵan Baqytjan Qurmashulyn eske alýǵa arnalǵan krosty qoldaý úshin jınal­dyq. Búgingi tańda bizdiń memleketimizde jas sport­shylar úshin barlyq jaǵdaı jasalýda. Sizderdiń oblystyq, respýblıkalyq, halyq­ara­lyq jarystarǵa qatysýǵa jáne jeńip shyǵýǵa múm­kindikterińiz bar. Árqashan jeńis tuǵy­rynan kórinińizder! – dedi qala ákimi Igor Okoneshnıkov.

Búgingi kúnde krosty dástúrli túrde uıym­dastyrýǵa Baqytjan Qurmashulynyń uly Dı­dar Imambaev uıytqy bolyp júr. Ákesiniń aı­týymen Dıdar bala kezinen bokspen aınalys­ty. Aýdandyq, oblystyq jáne respýblıkalyq jarystardyń bir­neshe dúrkin júldegeri.

Eske sala ketsek, «Altyn kúz» jarysy koro­na­vırýstyq pandemııaǵa baılanysty 2020 jáne 2021 jyldary ótkizilmegen. Bıyl ǵana dástúrli kross qaıta jalǵasyn tapty. Sonymen qatar bıyl «Búrkit» taý shańǵy kesheniniń ju­mysy qaıta qalpyna keltiriledi. Altaı aýda­nynyń turǵyndary, qonaqtary qystyń kúni bos ýaqyttaryn atalǵan keshende ótkizýge múmkindik alady.

Sonymen jarys jolyna shyǵyp, qara úzip kelgen sportshylardyń ishinde jeńil atletıka jary­synyń ardageri Anatolıı Chýıkın boldy. Jet­pisten asqan ol áli kúnge deıin júgirýmen aınalysady.

Is-shara sońynda «Zarıa Vostoka» gazetiniń ujymy barlyq júldegerge baǵaly syılyqtar men qurmet gramotalaryn tapsyrdy. Birinshi oryn al­ǵandarǵa aýdandyq gazetke tegin jazylý baqyty buıyrdy. Aýdandyq gazettiń bas redaktory Me­rýert Qa­lymjanqyzynyń aıtýyn­sha, «Altyn kúz» ja­ry­syn jyldan-jylǵa túrlen­dirip, qyzyqty ótkizýge kúsh salynbaq. Demek kelesi jylǵy jarys budan da tartysty ótedi.

Shyǵys Qazaqstan oblysy,

Altaı aýdany