Kókshetaý qalasynyń turǵynynan salmaǵy 2,7 keli bolatyn esirtkiniń iri kólemi tárkilendi, dep habarlaıdy Egemen.kz.
Aqmola oblysy PD Esirtki qylmysyna qarsy kúres basqarmasynyń qyzmetkerlerine Kókshetaý turǵynynyń biri esirtki satýmen aınalysatyny týraly aqparat tústi.
Esirtki qylmysyna qarsy kúres basqarmasynyń qyzmetkerleri kúdiktini ustaý barysynda qalaǵa kire beriste 44 jastaǵy jergilikti turǵyn tizgindegen kólikti toqtatty. Artqy jolaýshy ornyn tintý kezinde jalpy salmaǵy 2,7 keli bolatyn gashısh toltyrylǵan úsh polıetılen paketi bar sporttyq sómke tabyldy. Elektrondy tarazylar da tárkilendi.
QR Qylmystyq kodeksiniń 296-babynyń 4-bóligi «Esirtkiniń, psıhotroptyq zattardyń, sol tektester men prekýrsorlardyń zańsyz aınalymyna qatysty ister» boıynsha sotqa deıingi tergeý bastaldy. Qazirgi tańda polıseıler esirtki satyp alynǵan oryndy anyqtaý boıynsha jumys júrgizýde.