Bolat Qalymbetov túsirgen «Muqaǵalı» fılmi Dýbaıdaǵy Meta Film Fest kınofestıvalinde bas júldege ıe boldy. Taıaý Shyǵys, Azııa jáne Afrıka kıno óndirisin qamtıtyn Meta Film Fest jańa halyqaralyq kınofestıval 27 qazanda Djýmeıra Palmasyndaǵy Nakheel Mall-daǵy Vox Cinemas kınoteatrynda bastalǵan edi. Festıvalde 25 elden 70-ten astam fılm kórsetildi.
Baıqaý baǵdarlamasyna «Muqaǵalı», «Uly dala tańy», «Aqyn» jáne «Konokrady» atty tórt qazaqstandyq fılm tańdalǵan bolatyn. Muqaǵalı Maqataevtyń 90 jyldyǵyna arnalǵan «Muqaǵalı» kınokartınasy aqyn ómiriniń sońǵy jyldary týraly baıandaıdy. Fılmdi Mádenıet jáne sport mınıstrliginiń tapsyrysy boıynsha Sh.Aımanov atyndaǵy «Qazaqfılm» kınostýdııasy túsirdi.
Aıta keteıik, kınonyń ssenarııin jazýshy Júsipbek Qorǵasbek rejısser Bolat Qalymbetov pen Ǵazız Nasyrov birlesip jazdy. Fılm qazaqstandyq prokatqa 2021 jyldyń 21 qazanynda shyqqan bolatyn. Al álemdik premerasy 25-shi (PÖFF) Tallın kınofestıvali aıasynda ótti. Onda qazaqstandyq kartına ekýmenıkalyq qazylar alqasynyń júldesine ıe boldy. Bıyl naýryz aıynda ómirbaıandyq kartına Keraladaǵy (Úndistan) 26-shy Halyqaralyq kınofestıvaldiń «Álemdik kıno» seksııasynda usynyldy. Odan bólek jýyrda «Muqaǵalı» fılmi Qazan kınofestıvalinde qazylar alqasynyń arnaıy júldesin jeńip aldy. Sondaı-aq fılm Gatchınadegi (Reseı) «Ádebıet jáne kıno» Halyqaralyq kınofestıvalinde qoıýshy-sýretshi Ermek О́tegenovtiń úzdik jumysy úshin qazylar alqasynyń arnaıy dıplomyna ıe bolǵan edi.