Darhan Ahmed-Zakı Ǵylym jáne joǵary bilim mınıstrliginiń Ǵylym komıtetin basqarady, dep habarlaıdy Egemen.kz Premer-Mınıstrdiń baspasóz qyzmetine silteme jasap.
«Qazaqstan Respýblıkasy Ǵylym jáne joǵary bilim mınıstriniń buıryǵymen Ahmed-Zakı Darhan Jumaqanuly Ǵylym jáne joǵary bilim mınıstrligi ǵylym komıtetiniń tóraǵasy qyzmetine taǵaıyndaldy», delingen habarlamada.
Ahmed-Zakı 2020 jyldyń tamyzynan osy ýaqytqa deıin Astana IT ýnıversıtetiniń rektory, 2017-2020 jyldary Halyqaralyq bıznes ýnıversıtetiniń prezıdenti, odan buryn 2016-2017 jj. Bilim jáne ǵylym mınıstrliginiń joǵary jáne joǵary oqý ornynan keıingi bilim departamentiniń dırektory qyzmetin atqarǵan.