Ishki ister mınıstri Marat Ahmetjanov sheneýnikterdiń kazınoǵa jumsaǵan aqshasy qaıdan alynǵany tekserilip jatqanyn aıtty, dep habarlaıdy Egemen.kz.
Marat Ahmetjanovtyń aıtýynsha, tergeý júrgizilýde.
19 qazanda memlekettik qyzmetshiler Almaty oblysynyń kazınosynda 507 mıllıon teńge jumsaǵany belgili boldy. Prokýratýra kazıno men oıyn avtomattary zaldarynyń qyzmetin tekserý sheńberinde memlekettik qyzmet atqarý kezeńinde oıyn mekemelerine barǵan 305 memlekettik qyzmetshini anyqtady.
Prokýratýra ártúrli vedomstvolardyń ókilderi qansha aqsha jumsaǵanyn naqtylady:
Ishki ister mınıstrligi - 97 mln; Qorǵanys mınıstrligi - 95 mln; Qarjy mınıstrligi - 25 mln; Joǵarǵy Sot - 7 mln; Qarjy monıtorıngi agenttigi - 15 mln; Sybaılas jemqorlyqqa qarsy is-qımyl agenttigi - 3 mln; Jergilikti atqarýshy organdar - 36 mln; Basqa memlekettik organdar - 27 mln.