Shymkent turǵyny alaıaqtyń ýádesine senip, 2 mıllıon teńgesinen aıyryldy, dep habarlaıdy Egemen.kz IIM resmı saıtyna silteme jasap.
Ál-Farabı aýdandyq polısııa bólimine jergilikti turǵyn aryzdanǵan. Zardap shegýshiniń aıtýynsha, dosy oǵan memlekettik baǵdarlama boıynsha páter alýǵa kómektesýge ýáde etken. «Qyzmeti» úshin jábirlenýshiden 2 mıllıon teńge alǵan. Al biraz ýaqyttan keıin ýáde oryndalmaı, aqsha qaıtarylmaǵan.
Qylmystyq is QR Qylmystyq kodeksiniń 190-baby «Alaıaqtyq» boıynsha tirkelgen.
Kúdikti ustalyp, sotqa deıingi tergeý amaldary júrgizilýde.