Qazaqstandyq tennısshiler Túrkııanyń Antalııa qalasynda ótip jatqan ITF World Tennis Tour W15 týrnıriniń ekinshi aınalymyna joldama aldy, dep habarlaıdy Egemen.kz QTF baspasóz qyzmetine silteme jasap.
Qazaqstandyq Janel Rústemova bastapqy kezdesýin Túrkııa ókili Leıla Elmazǵa qarsy ótkizip, 6:3, 6:0 esebimen jeńiske jetti.
Endi ekinshi aınalymda jas tennısshi jarystyń 5-shi raketkasy, reseılik Anna Ýrekemen sheberlik baıqasady.
Taǵy bir qazaqstandyq Arýjan Saǵyndyqova úsh setke sozylǵan tartysty básekede shveısarııalyq Katerına Sygýrovany 5:7, 7:5, 6:4 esebimen oısyrata jeńdi.
«Shırek fınalǵa joldama alý úshin Arýjan shvesııalyq Iýlııa Lokvıstpen kezdesedi. Ol sonymen qatar juptyq synda da sátti óner kórsetip keledi. Saǵyndyqova taıbeılik Iý-Iýn Lımen birge chehııalyqtar Izabella Henzova – Lýcha Zasterovany 6:2, 7:6 (7:2) esebimen tize búktirip, shırek fınalǵa joldama aldy», delingen QTF habarlamasynda.
Al Sandýǵash Kenjebaeva alǵashqy aınalymda jekeleı synda chehııalyq Denısa Hardınkovaǵa 1:6, 1:6 esebimen ese jiberdi.