Pákistannyń soltústik-shyǵysyndaǵy Lahor qalasynan 150 km qashyqtyqta burynǵy premer-mınıstri Imran Hannyń avtokolonnasyna oq atyldy, dep habarlaıdy Egemen.kz BBC agenttigine silteme jasap.
Imran Han Islamabad qalasynda ótken narazylyq sherýin basqarǵan. Eks-premer elde kezekten tys prezıdent saılaıyn ótkizýdi talap etken edi.
Atys saldarynan taǵy tórt adam jaraqat alǵany qosa habarlandy.
«Shabýyldaýshylardyń birine oq tıdi, aldyn ala aqparat boıynsha ol mert boldy. Polısııa taǵy bir adamdy ustady», dedi burynǵy premer-mınıstrdiń kómekshisi Raýf Hasan.
Onyń aıtýynsha, oq kópshiliktiń arasynan atylǵan.
Jergilikti buqaralyq aqparat quraldarynyń habarlaýynsha, 70 jastaǵy saıasatker Lahordaǵy aýrýhanaǵa jetkizildi.