Bıtým tapshylyǵy pysyqtaldy

Jıyn barysynda ákimdikter men «QazAvtoJol» ulttyq kom­pa­nııa­synyń ókilderi aldaǵy ýaqytta bıtým tapshylyǵy men jol-qurylysy ju­mystarynyń toqtaýy taǵy da qaı­talanýy múmkin ekenin jetkizdi. Sebebi merdigerlerdiń bıtýmdy saq­taıtyn jeri joq bolǵandyqtan, aldyn ala satyp alý múmkin emes. Sondyqtan olar daıyn asfalt satyp alýǵa májbúr.

«Jol qurylysy salasyndaǵy merdigerler mezgildiń jyly kezinde bıtýmdy jappaı satyp alady. Al qalǵan kezeńde bıtým óndirýshiler ónimge degen tómen suranystyń áserinen shyǵynǵa tap bolady. Alaıda olar muny ónim suranysqa ıe maýsymda onyń baǵasyn ósirip óteıdi. «QazAvtoJol» kompanııasy men ákimdikter Energetıka mı­nıstr­li­gimen birlesip aı saıyn bıtýmdy bóledi. Biraq negizgi suranys jaz mezgiline tıesili», dep atap ótti jıyn qatysýshylary.

Basqosý barysynda máseleni ońtaıly sheshý jolyn Qazaqstan jol­shylar qaýymdastyǵynyń pre­zıdenti Baǵlan Baımaǵambetov usyndy.

– Shuńqyrlar – bıtýmdy saq­taı­tyn eń qoljetimdi oryn. Biraq bul shuńqyrlarda bıtým qatyp qalady, ony únemi jylytyp otyrý qajet. Al budan onyń sapasy tómendeıdi. Demek, joldardyń sapasyna da tikeleı áser etedi. Shıkizatty angar qoımalarynda saqtaýǵa da bolady. О́ıtkeni árbir merdigerdiń osyndaı qoımasy bar. Sodan keıin qysta da, jazda da bıtým satyp alýǵa bolady, – deıdi B.Baımaǵambetov.

О́z kezeginde Energetıka mınıstr­ligi Munaıdy tasymaldaý jáne óńdeý depar­tamenti dırek­torynyń orynbasary Samat Mergenov vedomstvolyq bırjalarda satylatyn bıtýmnyń úlesin arttyrýdy usyndy. Onyń aıtýynsha, bul taraptaǵy kórsetkish 2021 jyldan beri ózgermegen.

Aıta keteıik, Memleket basshysy Qasym-Jomart Toqaev bıylǵy Joldaýda elimizde áli kúnge deıin bıtým tapshylyǵyna nazar aýdaryp, iri kólemde munaı óndiretin el úshin bul uıat jaǵdaı ekenin aıtqan bolatyn. Osyǵan oraı Prezıdent Úki­metke atalǵan máseleni tikeleı baqylaýǵa alýdy tapsyrdy.

Bıyl Qazaqstanda 726 myń tonna bıtým óndirý josparlanǵan. Sońǵy segiz aıdyń qorytyndysy boıynsha shamamen 600 myń tonna ónim óndirilgen.