Qarly boran saldarynan «Astana-Petropavl» avtojolynyń 367-473 shaqyrym aralyǵy (Kellerovka aýylynan Petropavl qalasyna deıingi ýchaske) jabyldy, dep habarlaıdy Egemen.kz «QazAvtoJol» UK» AQ baspasóz qyzmetine silteme jasap.
«Aýa raıynyń kúrt nasharlaýyna baılanysty SQO-da kóliktiń barlyq túri úshin saǵat 22:00-den bastap A-1 «Astana-Petropavl» avtojolynyń 367-473 shaqyrym aralyǵy (Kellerovka aýylynan Petropavl qalasyna deıingi ýchaske) jabyldy.
Kúre joldaǵy ahýal QazAvtoJol ulttyq kompanııasynyń Soltústik Qazaqstan óńirindegi fılıalynyń baqylaýynda. 20 birlik arnaıy tehnıka men 25 jolshy maman qyzmette», delingen vedomstvo habarlamasynda