Mundaı derekti Mańǵystaý oblysyna sapary kezinde Memleket basshysynyń ózi aıtty, dep habarlaıdy Egemen.kz.
«Oblystyq bilim berý, densaýlyq saqtaý salasyn damytyp, jastarǵa qoldaý kórsetý kerek. Qazirgi zamanda ár azamattyń jáne tutas eldiń tabysty bolýyna ilim men bilim mol múmkindik beredi. Sondyqtan, bilim ınfraqurylymyn damytý jáne onyń sapasyn arttyrý elimiz úshin basty basymdyq bolyp otyr», dedi Prezıdent jergilikti jurtshylyqpen kezdesýinde.
Sol sebepti Memleket basshysy eń aldymen, mektepke deıingi tárbıe jáne oqytý isiniń qoljetimdi bolýyna nazar aýdarý qajet dep esepteıdi.
«Mańǵystaý oblysynda balabaqsha máselesi tolyq sheshimin tappaǵan. Munda 10 myńǵa jýyq balaǵa oryn jetispeıdi. Bul máseleni sheshý úshin memleket pen jekemenshiktiń seriktestigin tolyq paıdalaný kerek. Bıyl óńirde 17 jekemenshik balabaqsha ashyldy. Bul jumysty jalǵastyrý qajet», dedi Qasym-Jomart Toqaev.