Memleket basshysy Atyraý oblysy jurtshylyǵymen kezdesýinde sport ınfraqurylymyn damytyp qana qoımaı, ony barynsha qoljetimdi etý de mańyzdy ekenin aıtty, dep habarlaıdy Egemen.kz.
«О́ńirdegi kóptegen sport nysanyna jóndeý júrgizý qajet. Sonymen birge, respýblıkalyq jáne halyqaralyq jarystar ótkizetin jańa sport keshenderin salý kerek. Jalpy, kóp shyǵyndy talap etpeıtin sport túrlerin damytqan jón. Mysaly, shahmat, ústel tennısi, toǵyzqumalaq, sadaq atý, qazaqsha kúres. Bul qadam, eń aldymen, balalarymyzdy teris ádetten alystatady jáne sport zaldarynyń tapshylyǵyn azaıtýǵa múmkindik beredi», dedi Prezıdent.
Qasym-Jomart Toqaev bul máselerdi pysyqtaýdy ákimdikke tapsyrdy.
«Taǵy bir aıtaıyn degenim, eskertkishter qoıa bergennen góri, sport jáne medısına nysandaryn salýǵa basa nazar aýdarý qajet. Bul Atyraý oblysyna ǵana emes, búkil elimizge qatysty másele», dedi Memleket basshysy Atyraý jurshylyǵymen kezdesýinde.