Qostanaıda jedel-izdestirý is-sharalaryn júrgizý kezinde 20 keliden astam esirtki zaty tárkilendi, dep habarlaıdy Egemen.kz.
8 qarashada jedel-izdestirý is-sharalary barysynda esirtkiniń zańsyz aınalymyna qatysy bar Qostanaı qalasynyń bes turǵyny ustaldy.
«Ustalǵandardyń biriniń úıinen 45 polıetılen baılamy, sondaı-aq erekshe ıisi bar jasyl tústi zattyń kólemdi qapshyǵy tárkilendi. Tárkilengen esirtkiniń jalpy salmaǵy shamamen 20 kelini qurady. Sondaı-aq tekserý barysynda arnaıy jabdyqtalǵan eki bólme-jylyjaı tabyldy, onda jaryq shamdarynyń astynda qarasora ósimdikteri ósirilgen», dedi Qostanaı oblysy polısııa departamentiniń bastyǵy Oman Omarbekov.