Bul jaıynda Parlament Májilisindegi Úkimet saǵatynda Ekologııa, geologııa jáne tabıǵı resýrstar mınıstri Serikqalı Brekeshev aıtty, dep habarlaıdy Egemen.kz.
«Qazaqstan jan basyna shaqqanda, balyqty az tutynatyn el ekenin atap ótken jón. Dúnıejúzilik densaýlyq saqtaý uıymy bir adamǵa jylyna keminde 16 keli balyq ónimderin tutynýdy usynady. Qazaqstanda bul kórsetkish 4 keliden az», dedi mınıstr.
Ekonomıkalyq zertteýler ınstıtýtynyń deregine súıensek, kórshi Reseıde bir jylda bir adam 23 keli, al Qytaıda 43 keli balyq ónimderin tutynady. Mınıstrdiń aıtýynsha, balyq eksporttaýǵa bolatyn eń iri naryq Qazaqstanǵa jaqyn ornalasqan.
Sondaı-aq vedomstvo basshysy 2025 jyldan bastap balyq ónimderin ótkizýde qıyndyqtar bolýy múmkin ekenin de aıtty.
«Balyq ónimderin ótkizý máselesin zańnamalyq deńgeıde sheshý úshin bilim, densaýlyq júıesindegi memlekettik uıymdarynda, ishki ister, qarýly kúshter, qylmystyq-atqarý júıesi organdarynda balyqty tamaqtaný rasıonyna engizýdi jáne otandyq óndirýshilerden balyq ónimderiniń kepildik berilgen kólemin basym tártippen satyp alýdy mindetteý usynylady», dedi Serikqalı Brekeshev.