Qazaqstannyń tabıǵı sý aıdyndarynda jyl saıyn shamamen 40-45 myń tonna balyq aýlanady. Bul kórsetkish jyl saıyn ósip keledi. Bul týraly Ekologııa, geologııa jáne tabıǵı resýrstar mınıstri Serikqalı Brekeshev Májilistegi Úkimet saǵatynda aıtty, dep habarlaıdy Egemen.kz.
О́tken jyly 15 myń tonnaǵa jýyq taýarlyq balyq ósirildi. Bul 2017 jylǵy deńgeıden 5,5 ese joǵary. Sonymen qatar, Qazaqstanǵa 41 myń tonnaǵa jýyq balyq ónimderi, negizinen muhıttyq jáne teńiz balyq túrleri (skýmbrııa jáne maıshabaq) ákelinedi jáne shamamen 25 myń tonna eksporttalady. Bul rette, otandyq balyq ónimderi álemdik naryqta tabysty básekege ıe», dedi Serikqalı Brekeshev.
Mınıstrdiń aıtýynsha, bul baǵytta vedomstvonyń negizgi mindet - balyqtyń ishki tutynýyn arttyrý, sondaı-aq teńiz balyq sharýashylyǵyn ıgerý jáne taýarlyq balyq sharýashylyǵyn damytý esebinen eksporttyq áleýetti odan ári arttyrý.
«Balyq salasy ekonomıkalyq ósý men halyqty jumyspen qamtýdyń negizi retinde ekonomıkadaǵy mańyzdy salalardyń biri bolyp esepteledi», dep tolyqtyrdy Serikqalı Brekeshev.