Qytaı Qazaqstannan kelgen týrısterge qoıylatyn talaptardy ózgertti. Bul týraly Qazaqstandaǵy Qytaı elshiligi habarlady, dep jazady Egemen.kz.
Málimdemede atap ótilgendeı, HS Densaýlyq kodyn (nemese HDC) alý talaptary ózgerdi. Elshilik bul «epıdemııany baqylaý maqsatynda» jasalǵanyn aıtady.
Endi Qazaqstannan Qytaıǵa baratyn jolaýshylar ushýǵa deıin 48 saǵat ishinde Qazaqstan aýmaǵynda resmı tirkelgen zerthanada PTR-synama tapsyrý qajet.
Sonymen qatar PTR testiniń nátıjesin qosa, qajetti qujattardy júkteý jáne jiberý arqyly densaýlyq kodyna ótinish berý kerek.
Dıpmıssııa ótinimdi óńdegennen keıin Qytaıdyń Qazaqstandaǵy elshiligi nemese bas konsýldyǵy «densaýlyqtyń jasyl kodyn» ýaqytyly beretinin naqtylaıdy.
Nátıjesinde barlyǵy úsh qujat qajet: ushýǵa deıin 48 saǵat ishinde teris PTR synaǵy, pasporttyń basty beti jáne baǵyty kórsetilgen avıabıletter.
Aıta ketsek, 28 maýsymnan bastap basqa talaptar qoldanyldy.
Qajetti qujattar tiziminde:
Ushýǵa deıin 48 saǵat ishinde PTR synaǵynyń teris nátıjesi. Ushýǵa deıin 24 saǵat ishinde PTR synaǵynyń teris nátıjesi. Tólqujattyń basty beti. Vaksınasııa pasporty (bar bolsa). Baǵyty kórsetilgen avıabıletter (Qazaqstan aýmaǵy boıynsha ushýdy qosa alǵanda).