№2 Atyraý qalalyq sotynda oblys ákiminiń burynǵy orynbasary Baqytgúl Hamenovaǵa qatysty úkim shyǵaryldy, dep habarlaıdy Egemen.kz.
Baqytgúl Hamenova para alǵany úshin kináli dep tanylyp, 7 jylǵa bas bostandyǵynan aıyryldy. Biraq asyraýynda balanyń bolýyna baılanysty jazany óteý 3 jylǵa keıinge qaldyryldy.
Eske sala ketsek, keshe Baqytgúl Hamenova sot aldynda sońǵy sózin sóılep, kinásin moıyndaýdan bas tartty.
2021 jyldyń 11 jeltoqsanynda Atyraý oblysy ákiminiń orynbasary Baqytgúl Hamenovanyń ustalǵany belgili boldy.
2021 jyldyń 12 jeltoqsanynda Hamenova úı qamaǵyna alyndy. Sot onyń «jalǵyzbasty áıel» ekenin, eki balany tárbıelep otyrǵanyn, olardyń biri bala kezinen múgedek ekenin, asyraýynda qart anasy baryn, buryn sottalmaǵanyn, memlekettik organdardan jasyrynbaǵanyn eskerdi.
2021 jyldyń 23 jeltoqsanynda Hamenova tergeý ızolıatoryna aýystyryldy.