Qazaqstan Respýblıkasynyń prezıdenttigine kandıdat Jıgýlı Daırabaev Atyraý oblysynda bolyp, Saraıshyq aýylynyń dárigerlerimen kezdesti. Kezdesýde aýyldyq jerlerdegi medısınalyq qyzmettiń sapasy jaıly aıtyldy.
Aýyldardaǵy ınfraqurylymnyń ózekti problemalarynyń biri – medısınalyq saqtandyrýmen qamtamasyz etý. Turǵyndardyń turaqty jumysy bolmaǵandyqtan medısınalyq saqtandyrý qoryna túsetin túsimderi joq. Sol sebepti memleket tarapynan kórsetiletin medısınalyq kómek aýyldyqtarǵa arman kúıinde qalyp otyr.
«Tyǵyryqtan shyǵýdyń basqa joly bar. Ol – jeke úı sharýashylyǵy kooperasııasyn qurý. Bir JÚSh-te eń kemi eki adam – eri men áıeli jumys isteıdi, ıaǵnı ózin ózi qamtamasyz etedi. Olar óndirgen aýylsharýashylyǵy ónimin kooperatıvke ótkizse kooperatıv olardan salyqty ustap qalýǵa mindetti. Osylaısha, qarajattyń bir bóligin áleýmettik saqtandyrý jáne medısınalyq saqtandyrý qoryndaǵy jınaqtaý shotyna aýdarýǵa bolady. Bul úı sharýashylyǵynda jumys isteıtin azamattardy medısınalyq qyzmetpen qamtamasyz etýge kómek bolady», dedi J.Daırabaev kezdesý kezinde.