Qazaqstan Respýblıkasy prezıdenttigine kandıdat Saltanat Tursynbekova О́skemen qalasynyń turǵyndarymen kezdesý kezinde aımaqtaǵy kún tártibinen túspeı kele jatqan ózekti máseleniń biri – aýanyń lastanýyna qatysty oıyn ashyq bildirdi.
S.Tursynbekovanyń aıtýynsha, Shyǵys Qazaqstan oblysynda ornalasqan О́skemen, Rıdder jáne Zyrıan qalalary aýanyń lastanýy boıynsha aldyńǵy qatarda tur.
Ekologter Shyǵys Qazaqstan oblysynyń ózenderin joǵary jáne ortasha lastaný deńgeıi bar sý aǵyndary qataryna jatqyzatynyn atap ótti. Sý sapasynyń buzylýyna aýyr metaldar qatty áser etedi. Sheneýnikter mundaı problemalardyń bar ekenin moıyndaıdy, biraq jaǵdaıdy joıýǵa qarajat jetkiliksiz ekenin aıtady.
«Elimizdiń shyǵysy – Semeı ıadrolyq synaq polıgony tragedııasynyń «máńgilik murageri», onyń zardaptary áli kúnge deıin halqymyzdy alańdatyp keledi. Ártúrli málimetter boıynsha, Qazaqstanda 1,5 mıllıonnan astam adam synaqtardan zardap shekken, 300 myń sharshy shaqyrym jer lastanǵan. Bul – orasan zor kórsetkish. Jergilikti turǵyndar men týrıster keıde osy aýmaqta ornalasqan kólderde shomylady, Atom kóliniń balyǵyn tutynady», dedi kandıdat.