“Nur Otan” partııasynyń Ortalyq apparatynda “Qazaqstan Respýblıkasynyń 2010-2014 jyldarǵa arnalǵan údemeli ındýstrııalyq-ınnovasııalyq damý” memlekettik baǵdarlamasynyń júzege asyrylý barysyn talqyǵa salǵan Partııaaralyq keńestiń IX otyrysy ótti, dep habarlady partııanyń baspasóz qyzmeti.
Jıynǵa saıası partııalar jetekshileri, Parlament depýtattary, Indýstrııa jáne jańa tehnologııalar, Qarjy mınıstrlikteri, saraptama qaýymdastyǵy men BAQ ókilderi qatysty.
Baǵdarlamaǵa sáıkes aldaǵy 5 jylda úsh mańyzdy másele óz sheshimin tabýǵa tıis. Olar: munaı men metall óńdeýden barynsha kóp paıda tabý; turǵyndardy mańyzdy jobalarǵa tartý arqyly qazaqstandyqtardyń ıgiligin jáne eńbek ónimdiligin arttyrý; tranzıttik múmkindikti paıdalaný. Osy máselelerdi sheshý úshin 12 negizgi sala anyqtaldy.
Jıyn qorytyndysy boıynsha Úkimetke usynystar qabyldanyp, Partııaaralyq keńestiń jańa jumys tártibi bekitildi.