Qazaqstan ulttyq quramasy О́zbekstanmen joldastyq oıyn ótkizip, 0:2 esebimen jol berdi, dep habarlaıdy Egemen.kz Qazaqstan fýtbol federasııasynyń baspasóz qyzmetine silteme jasap.
Tashkent qalasynda ótken joldastyq oıyn alań ıeleriniń jeńisimen aıaqtaldy. Kezdesýde esep ashqan Hodjımat Erkinov edi. Ol oıynnyń 12-mınýtynda Igor Shaskıı qorǵaǵan qaqpany týra kózdedi. Artynsha Qazaqstan quramasynyń kapıtany Ashat Taǵybergenniń soqqysy qaqpa baǵanynan qaıtty. Úziliske sanaýly mınýttar qalǵanda О́zbekstan quramasynyń shabýylshysy Eldor Shomýrodov esepti eseledi.
Ekinshi taımdy Qazaqstan quramasy belsendi bastaǵanymen esepti ózgerte almady. Bas bapker Magomed Adıev alańǵa birneshe oıynshyny shyǵardy. Onyń ishinde ulttyq quramaǵa uzaq úzilisten keıin qaıta oralǵan Baýyrjan Islamhan boldy.
Bizdiń qurama kelesi joldastyq oıynyn 19 qarasha kúni Abý-Dabı qalasynda Birikken Arab Ámirligi quramasymen ótkizedi.