Petropavlda tehnıkalyq qyzmet kórsetý ortalyǵynda kóliktiń gaz qondyrǵysy jaryldy, dep habarlaıdy Egemen.kz.
Oqys oqıǵa búgin Petropavldaǵy Gashek kóshesinde ornalasqan tehnıkalyq qyzmet kórsetý ortalyqtarynyń birinde bolǵan. Saldarynan 9 adam zardap shekti.
Jarylys kezinde TQK ortalyq ǵımaraty qulady. Sondaı-aq órt bolǵan.
Oqıǵa ornynda jedel járdem mamandary túrli deńgeıde jaraqat alǵan 9 adamǵa alǵashqy medısınalyq kómek kórsetti. Ázirge jaraqattanǵandar týraly naqty aqparat joq.
О́rt saǵat 16:53-te tolyq sóndirilgen. Oqıǵa ornynda órt sóndirý qyzmetiniń 10 tehnıkasy men 43 mamany jumys istedi.
Qaza tapqandar týraly derek joq. Qazir oqıǵanyń mán-jaıy anyqtalyp jatyr.