Keshe «QazTransGaz» aksıonerlik qoǵamy men «LeMarCAInc» kompanııalar toby arasynda Qaraǵandy kómir basseıninen metan shyǵarý jáne barlaý jobalaryn júzege asyrý úshin birlesken kásiporyn qurý týraly quryltaıshy kelisimge qol qoıyldy.
Osynyń aldynda «QazTransGaz» aksıonerlik qoǵamy Elbasy N.Nazarbaevtyń 2010 jylǵy kómir ken oryndarynan metan shyǵarý jáne ony kádege jaratýdy uıymdastyrý týraly tapsyrmasyna oraı, sondaı-aq, elimizdiń soltústik jáne ortalyq aımaqtaryn gazdandyrýǵa balama nusqalardy zerdeleý maqsatynda Qaraǵandy kómir basseınindegi kómir qyrtysynan metan alýdyń múmkindigin izdestirýge bolatyn. Bul kómirsýtegi shıkizatyn shyǵarý salasynda ınnovasııalyq baǵyttardyń biri ári elimizdegi otyn-energetıka bazasynyń balama quramdasyn qarastyrýǵa boljamdy qory múmkindik beretin dástúrli emes qýat kózi bolyp esepteledi.
Al, «LeMarCAInc» kompanııasynyń jónine keler bolsaq, AQSh aýmaǵynda jańa tehnologııanyń múmkindikteriniń arqasynda jylyna 36 mlrd. m3 gaz shyǵarylatyny belgili. Sol eldiń kómir qyrtysyn burǵylaýdaǵy aldyńǵy qatarly jumys tájirıbesin úırenip ári ony qoldanysqa engizý barysynda joǵaryda atalǵan qujatqa qol qoımaı turǵanda birqatar ozyq amerıkalyq kompanııalar tobymen kelissózder júrgizildi. Atap aıtqanda, kómir qyrtysynan metan óńdeıtin «CoreLaboratories» ǵylymı ortalyǵymen, óńdeý jáne burǵylaý tehnologııasyn jasaýmen shuǵyldanatyn «ScientifficDrillin» kompanııasymen, ken oryndaryn keshendi ıgeretin «LeMarCAInc» ınjırıngtik kompanııasymen odan ári birge jumys atqarý úshin kelissózge qol jetkizildi.
«LeMarCAInc» jetekshilik etetin kompanııalardyń bul toby AQSh-ta jáne álemde kómir jáne metan gazyn shyǵarý boıynsha tolyq keshendi jobalardy júzege asyrýmen shuǵyldanady. Onyń ishinde keshendi gaz daıyndaý jáne ony óńdeý, eń myqty burǵylaý shemalaryn jasaý, kómirdi jer astynda gazdandyrý barysynda sıntetıkalyq metan, otyn jáne elektr energııasyn alý sııaqty jobalar bar.
«QazTransGaz» aksıonerlik qoǵamy men «LeMarCAInc» kompanııalar tobynyń arasynda quryltaıshy kelisimine qol qoıý josparlanǵanda taraptar zańdy tulǵa qurýǵa jáne Qaraǵandy kómir basseıninen metan shyǵarý jáne barlaýdy júzege asyratyn ınvestısııalyq jobalar boıynsha birge atqaratyn isteriniń retin anyqtaýǵa mindettelgen bolatyn. Endi, mine, josparlanǵan sharýalardy aldaǵy kezde de birge atqaryp, metan alýǵa múmkindik týyp otyr. Bul týraly «QazTransGaz» AQ bas dırektory Serik Sultanǵalı bylaı deıdi: «Osy qujattyń nátıjesinde elimizdiń soltústik aımaqtaryn gazben qamtamasyz etýge bastaý berildi. Bul sharýanyń bári Elbasy N.Nazarbaevtyń tapsyrmasy boıynsha jasalýda». Atap óteıik, birlesken qujatqa «QazTransGaz»AQ bas dırektory Serik Sultanǵalı men «LeMarCAInc» prezıdenti Leon Popık qol qoıdy. Sonymen ıgi is osylaısha júzege asyrylýǵa joldama aldy.
Marat AQQUL,
«Egemen Qazaqstan».