Qazaqstan Respýblıkasy prezıdenttigine kandıdat Saltanat Tursynbekova Sábıt Muqanov atyndaǵy Soltústik Qazaqstan oblystyq ámbebap ǵylymı kitaphananda jergilikti halyqpen kezdesý ótkizdi.
Kezdesýde elimizdegi áıelder kásipkerligin damytý týraly oılar aıtyldy. Úmitker memlekettik organdardyń derekteri men zertteýlerine silteme jasaı otyryp, statıstıkany jarııalady.
Áıelder kásipkerligi ShOB sektoryndaǵy jumys oryndarynyń 31,4 paıyzyn qamtamasyz etedi. 2020 jylǵy málimetterge sáıkes, Qazaqstanda áıelder basqaratyn kásiporyndardyń úlesi 28,3 paıyzdy qurady. Olardyń kópshiligi shaǵyn jáne orta bıznes ókilderi, olar osy sektordaǵy jumys oryndarynyń 31,4%-yn jáne eldiń jalpy ishki óniminiń shamamen 14,6%-yn qamtamasyz etedi.
S.Tursynbekova shaǵyn bıznes pen jeke kásipkerlerdi salyqtan tolyǵymen bosatýdy usynatynyn aıtty. «Kásipkerlerdiń aıaqqa turýyna múmkindik berýimiz kerek. Olar orta deńgeıge jetkende jeńildetilgen salyq salý qazirdiń ózinde bar. Iri bızneske, ásirese oıyn bıznesine, kerisinshe, salyqty arttyrý kerek», dedi ol.
Sondaı-aq jınalǵandar kandıdattan saılaýaldy baǵdarlamasy týraly surady. Atap aıtqanda, jıynda áıelderdiń zeınet jasyn tómendetý, sot reformasy jáne ekonomıkadaǵy ózgerister týraly sóz boldy.