О́tken túni Petropavlda elektr oqshaýlaǵysh materıaldaryn shyǵaratyn kásiporynda órt shyqty, dep habarlaıdy Egemen.kz.
Tótenshe jaǵdaılar departamentiniń baspasóz qyzmeti habarlaǵandaı, túngi saǵat úshter shamasynda «Izolıt» JShS bir qabatty sehynyń tehnıkalyq shahtasynda lakpen toqylǵan buıymdar men elektr oqshaýlaǵysh materıaldaryn shyǵaratyn qural-jabdyqtar janyp ketken.
«Seh qabyrǵalary beton, bıiktigi 12 metr. О́rttiń jalpy aýmaǵy 144 sharshy metrdi qurady. О́rt ornynan tórt adam evakýasııalandy. Qurbandar men zardap shekkender joq. О́rttiń shyǵý sebebi anyqtalýda», dedi baspasóz qyzmeti.
О́rtti sóndirýge úsh saǵatqa jýyq ýaqyt ketken.