Saılaý kúni Túrkistan oblysy boıynsha 90 náreste dúnıe esigin ashty. Oblystyq qoǵamdyq densaýlyq basqarmasynyń habarlaýynsha, 46 er bala, 44 qyz, onyń ishinde 2 egiz dúnıege keldi. Egizderdiń biri – Qazyǵurt aýdanynda, ekinshisi Túlkibas aýdanynda týǵan. Dárigerlerdiń habarlaýynsha, analar men sábılerdiń densaýlyǵy jaqsy, dep jazady Egemen.kz.
Túrkistan óńiri turǵyndarynyń saıası naýqanǵa degen belsendiligi joǵary. Oblys boıynsha 919 saılaý ýchaskesi bar. Onyń 50-i oblys ortalyǵynda ornalasqan. Saılaý ýchaskeleriniń 893-i azamattardyń turǵylyqty jeri boıynsha jáne 26-y ýaqytsha bolý oryndaryndaǵy saılaý ýchaskeleri. Tańsáriden kelip tańdaý jasaǵandardyń arasynda jastar da qarııalar da az emes.
Mysaly, Saıram aýdanynda eń belsendi daýys berýshilerdiń biri 100 jastaǵy Sadyq Qýatbekov aqsaqal N560 saılaý ýchaskesine nemerelerin erte kelipti. Oblysta 1 163 860 saılaýshy daýys beredi dep josparlanǵan. Olardyń basym bóligi túske deıin óz tańdaýyn jasap úlgerdi. Oblystardyń, respýblıkalyq mańyzy bar qalalardyń, elordanyń komıssııalary usynǵan derekterge sáıkes, 20 qarasha saǵat 14.05-tegi jaǵdaı boıynsha tizimge engizilgen azamattardyń Túrkistan oblysy boıynsha – 76,61 % -y bıýlleten alǵan.