ASTANA. 30 mamyr. Eýrazııalyq ekonomıkalyq qaýymdastyǵynyń qurylýy Reseı, Belarýs jáne Qazaqstan arasyndaǵy taýar aınalymynyń kúrt kúsheıe túsýine úlken serpin beredi. Reseıdiń Aımaqtar mınıstri Igor Slıýnıaevtiń sózine silteme jasaǵan RIA «Novostı» osyny habarlady.
«Reseı, Belarýs jáne Qazaqstan Prezıdentteri beısenbi kúni Astanada 2015 jyldyń 1 qańtarynan bastap EAEO (Eýrazııalyq ekonomıkalyq odaq) qurý jónindegi kelisimge qol qoıdy. Osylaısha, 170 mıllıon adamy bar TMD keńistiginde damýdyń jańa qýatty ekonomıkalyq ortalyǵyna aınalatyn asa iri jalpy naryq qalyptastyrý aıaqtalyp keledi», - delingen habarlamada.
«EAEO-ny qurý jónindegi kelisimge qol qoıýdyń bizdiń memleketterimiz ben halyqtarymyz úshin naǵyz dáýirlik zor maǵynasy bar. Biz jaqyn bolashaqta «úshtik» odaǵynda halyqaralyq baılanystar deńgeıinde taýar aınalymy birneshe eselep ósedi dep boljap otyrmyz», - dep jetkizdi Aımaqtar mınıstrliginiń baspasóz qyzmeti Slıýnıaevtiń sózin dáıekteme etip ala otyryp.
Mınıstrdiń sózine qaraǵanda, jańa eýrazııalyq ıntegrasııa ekonomıkalyq damýdyń, sonyń ishinde aımaqtar, iri qalalar men shekara terrıtorııalarynda tyń múmkindikterdi ashyp beredi. Kelisimge qol qoıýshy elder «jańa jınaqy eńbek resýrstaryna» qol jetkizip, ekonomıkanyń alýan túrli salasynda birlesken kásiporyndardy júzege asyrýdyń keleshegine qajam basady, dep esepteıdi mınıstr.
Murat Aıtqoja.
Derekkóz: RIA «Novostı».
Foto: RIA «Novostı». Mıhaıl Klımentev.