Búgin Almaty qalasyndaǵy № 72 mekemesindegi (Tergeý ızolıatory) tergeý tutqynyndaǵylar da ertemen mekemede ornalasqan saılaý ýchaskesine kelip, daýys berdi, dep habarlaıdy Egemen.kz.
QR Qylmystyq-atqarý kodeksiniń 104-babynyń 3 bóliginde kózdelgendeı, sot úkimi boıynsha bas bostandyǵynan aıyrý oryndarynda ustalatyn sottalǵandardan basqa kúdiktilerdiń saılaýǵa qatysýǵa quqyqtary bar. Atalǵan sanatqa tergeý tutqynyndaǵylar men sottyń úkimi áli kúshine enbegen, jasy on segizge tolǵandar jatady.
«Memleket basshysy Qasym-Jomart Toqaev 1 qyrkúıekte Qazaqstan halqyna arnaǵan Joldaýynda Qazaqstanda kezekten tys Qazaqstan Respýblıkasy Prezıdentiniń saılaýy ótetinin málimdegen bolatyn. Kezekten tys Prezıdent saılaýyn uıymshyldyqpen ótkizýge Almaty qalasy boıynsha Qylmystyq-atqarý júıesi departamentine qarasty №72 mekemesinde Almaty qalasy Túrksib aýdany ákiminiń sheshimimen Tergeý ızolıatory ornalasqan aýmaq boıynsha №479 saılaý ýchaskesi qurylyp, ýchaskelik saılaý komıssııasynyń músheleri bekitildi.
Osyǵan oraı prezıdent saılaýyn ótkizý úshin 5 kabına jabdyqtaldy. Kezekten tys prezıdent saılaýy kúni 908 tergeý tutqynyndaǵy jáne sot úkimi zańdy kúshine enbegender daýys berdi», deıdi № 479 saılaý ýchaskesiniń tóraǵasy ádilet podpolkovnıgi A.Amanjolov.
Mekemede ustaý rejımin saqtaý maqsatynda ızolıatorlardyń kameralarynan daýys beretin ýchaskege deıin qosymsha posttar uıymdastyrylyp, daýys berýshilerdiń qozǵalys marshrýty bekitilgen.