Ernat Ǵapýuly Júnisov QR Oqý-aǵartý mınıstrligi Tehnıkalyq jáne kásiptik bilim departamentiniń dırektory bolyp taǵaıyndaldy, dep habarlaıdy Egemen.kz QR Oqý-aǵartý mınıstrliginiń baspasóz qyzmetine silteme jasap.
Onyń TjKB salasynda 20 jyldan astam tájirıbesi bar.
Ernat Júnisov 1975 jyly týǵan. Mamandyǵy – «Eńbek, ınformatıka jáne kompıýterlik tehnologııalar muǵalimi».
Eńbek jolyn 1996 jyly Sátpaev qalasyndaǵy Abaı atyndaǵy №4 mektep-lıseıinde eńbekke baýlý pániniń muǵalimi bolyp bastaǵan.
1999-2006 jyldary - oqý isiniń meńgerýshisi, kolledj dırektorynyń orynbasary jáne №19 kásiptik lıseı dırektorynyń orynbasary boldy.
2006-2009 jyldary - Bilim jáne ǵylym mınıstrligi Tehnıkalyq jáne kásiptik bilim departamentiniń sarapshysy, bas sarapshysy qyzmetin atqardy.
2009-2015 jyldary TjKB departamenti bóliminiń basshysy.
2015 jyldan bastap mınıstrliktiń Tehnıkalyq jáne kásiptik bilim departamenti dırektorynyń orynbasary qyzmetin atqardy.