Senattyń Ekonomıkalyq saıasat, ınnovasııalyq damý jáne kásipkerlik jónindegi komıtetiniń keńeıtilgen otyrysynda depýtattar «Qazaqstan Respýblıkasynyń keıbir zańnamalyq aktilerine kólik jáne jer qoınaýyn paıdalaný máseleleri boıynsha ózgerister men tolyqtyrýlar engizý týraly» zań jobasyn talqylady, dep habarlaıdy Egemen.kz Senattyń baspasóz qyzmetine silteme jasap.
Zań jobasy avtokólikti baqylaýdy avtomattandyrýǵa, poezdardyń joldan shyǵyp ketýi nemese soqtyǵysý oqıǵalaryn, sondaı-aq kemelerdiń avarııalyq jaǵdaıyn tergeý tártibin jetildirýge baǵyttalǵan.
Qujat sonymen qatar Qazaqstan Respýblıkasynyń zańnamasyn Halyqaralyq azamattyq avıasııa uıymynyń standarttary men Eýropalyq Odaqtyń avıasııalyq talaptaryna sáıkes keltirýdi kózdeıdi.
Zań jobasynyń normalary sondaı-aq áýe aılaǵy mańyndaǵy aýmaqta qyzmet atqarýǵa ruqsat alý tetigin retteýdi ózgertýdi jáne kúrdeli jobalar boıynsha jer qoınaýyn paıdalaný salasyna ınvestısııa tartýdy kózdeıdi.
Komıtet depýtattary keńeıtilgen otyrystyń qorytyndysy boıynsha zań jobasyn Palatanyń qaraýyna jiberý týraly sheshim qabyldady.