Qytaı shekarasynda búginde pandemııaǵa baılanysty kólik quraldaryn ótkizý áli de shekteýli. Osyǵan baılanysty júrgizýshiler óz kezegin aptalap kútedi, dep habarlaıdy Egemen.kz.
О́tkizý pýnktterinde tehnıkalyq baqylaý quraldary jabdyqtarynyń 70%-dan astamy eskirgen (IDK, rentgen apparattary, tarazy jabdyqtary).
О́zbekstan Respýblıkasy da ótkizý pýnktterin jańǵyrtýdy júzege asyrýdy josparlap otyr. Sol úshin eki Úkimet arasynda ótkizý pýnktterin, avtomobıl joldaryn qaıta qurý jáne jańǵyrtý jáne qazaq-ózbek shekarasyndaǵy irgeles aýmaqty jaılastyrý jónindegi Jol kartasyna qol qoıyldy.
Taraptar ótkizý pýnktterin bir mezgilde jańǵyrtý jónindegi is-sharalardy talqylaý boıynsha ekijaqty kezdesýlerdi turaqty ótkizýde.
Júrgizilgen jańǵyrtýlardyń oń áserin, kólik aǵynynyń ósýin jáne tólemderdiń túsýin eskere otyryp, MKK 2022 jyldan bastap EAEO syrtqy shekarasyndaǵy 9 avtomobıl, 1 temirjol ótkizý pýnktin jáne Astana qalasyndaǵy QM MKK Bas dıspetcherlik basqarmasyn jańǵyrtýdy jáne tehnıkamen jaraqtandyrýdy bastady.
Barlyq 9 avtomobıl ótkizý pýnkti boıynsha jobalaý kompanııasy jobalaý-smetalyq qujattama ázirledi, memlekettik saraptamanyń qorytyndylary alyndy. Árbir nysandy qaıta qurýdyń josparlanǵan merzimi – 19 aı.
Qazirgi ýaqytta «Dostyq» avtomobıl ótkizý pýnktiniń qurylysy jáne «Dostyq» temirjol ótkizý pýnktin tehnıkalyq jabdyqtaý bastaldy.
2022 jylǵy 1 jeltoqsannan bastap О́zbekstan tarapymen kelisim boıynsha «Qaplanbek» (QR) jáne «Zangıota» (О́R) avtomobıl ótkizý pýnktterin qaıta qurýdy bastaý josparlanyp otyr. Pýnktter halyqtyń tyǵyz ornalasýyna jáne qolaıly jaǵdaıdyń bolmaýyna baılanysty tolyq jabylady.
Qalǵan ótkizý pýnktterin qaıta jańartýdy jabýsyz, biraq avtokólik pen jeke tulǵalardyń qozǵalysyn shekteı otyryp, júrgizý josparlanýda. Barlyq ótkizý pýnktterin qaıta jańartýdy 2024 jyldyń sońynda aıaqtaý josparlanýda.
Barlyq ótkizý pýnktteri Memlekettik shekaradan ótý kezinde Qazaqstan azamattary men qonaqtary úshin qolaıly jaǵdaı jasaýǵa baǵdarlanǵan.
Jolaýshylar termınaldarynda, sondaı-aq júk AKQ júrgizýshilerine arnalǵan turaqta halyqaralyq áýejaılarǵa uqsas barlyq qajetti jaǵdaılar (ashanalar, dárethanalar, ana men bala bólmeleri jáne t.b.) jasalady.
Sondaı-aq JAO-men birlesip ótkizý pýnktteriniń aldynda turaqtardy jaılastyrý boıynsha jumystar júrgizilýde. Mysaly, «Dostyq» avtomobıl ótkizý pýnktiniń aldynda «QazAvtoJol» AQ 2023 jyly 200 ATS turaq salý josparlanýda.