2022 jyldyń 22 qarashasynda qýaty 50 MVt jel elektr stansııalaryn irikteý boıynsha QR Birtutas elektr energetıkalyq júıesiniń soltústik aımaǵy úshin jańartylatyn energııa kózderi boıynsha onlaın-aýksıon ótkizildi, dep habarlaıdy Egemen.kz Energetıka mınıstrligine silteme jasap.
Aýksıondyq saýda-sattyqqa 10 kompanııa qatysty. JES jobalaryn irikteý boıynsha aýksıondyq saýda-sattyqty ótkizý kezindegi shekti aýksıondyq baǵa 2022 jyly 21,53 tg/kVtsaǵatty qurady.
Saýda-sattyq sessııasyn ótkizý barysynda aýksıondyq saýda-sattyqqa qatysýshylardan alynǵan ótinimderdiń baǵa dıapazony 21,53-ten 12,99 tg/kVtsaǵatty qurady.
Aýksıondyq saýda sattyq qorytyndysy boıynsha jeńimpaz bolyp jobanyń belgilengen qýaty 50 MVt, 14,51 tg/kVtsaǵatty aýksıondyq baǵasymen «Next Green Energy» JShS (QHR) anyqtaldy.
«Aýksıondyq baǵa 39,7%-ǵa tómendedi, bul jaqsy nátıje. Aýksıondyq saýda-sattyq neǵurlym tıimdi jobalardy irikteýge jáne JEK obektileri óndiretin elektr energııasyna naryqtyq básekelestik baǵalardy qalyptastyrýǵa baǵyttalǵan. Aýksıondyq saýda-sattyqty ótkizý kezinde baıqaýshylar retinde Qazaqstan Respýblıkasy Energetıka mınıstrliginiń, «Ecojer» ZTB, «KazEnergy» ZTB, «Qazaqstan elektr energetıkalyq qaýymdastyǵy» ZTB, Qazaq Green qaýymdastyǵy jáne «EEQRQO» AQ ókilderi qatysty. Baıqaýshylar aýksıondyq saýda-sattyqtardyń bekitilgen normatıvtik quqyqtyq aktilerge sáıkes ótkizilýin atap ótti jáne aýksıondy uıymdastyrýshy – «EEQRQO» AQ elektrondyq saýda júıesi jumysynyń ashyqtyǵyn rastady», delingen vedomstvo habarlamasynda.