Jumys bergenniń júzi jarqyn

Sonymen birge «Jumys berý­shiler kúnine» oraı «Alliance Buildings» JShS dırektory A.Kadırov, «Iýgdorstroı» JShS basshysy M.Mahkambaev, «Altai Bulding LTD» jetekshisi S.Haıtmetov jáne JK «Dıl­barjon» basqarýshysy D.Mı­rıakýbova arnaıy qonaq retinde shaqyryldy. Saltanatty is-shara barysynda qatysýshylar al­dymen kolledj stýdentteri ázir­legen qolóner kórmesiniń ju­mysymen tanysty. Sodan soń jıyn­nyń resmı bóligi kolledj­diń akt zalynda jalǵasty. Ká­siptik bilim berý uıymynyń dırektory Mars Elekeev arnaýly oqý ornynyń atqaryp jatqan jumystary men stýdentterdi kásipke baýlýda jetken jetis­tikteri jóninde qysqasha baıan­dap ótti. Osydan keıin qala ákiminiń birinshi orynbasary Sh.Muqan sóz alyp, jastardy tehnıkalyq kásipke úıretýdiń mańyzdylyǵyna toqtalyp, osy baǵytta memleket tarapynan kórsetilip jatqan qoldaý men jeńildikter jóninde áńgimelep berdi. Sondaı-aq qala ákiminiń birinshi orynbasary birneshe jumys berýshini Oqý-aǵartý mınıstri A.Aımaǵambetovtiń Alǵys hatymen marapattady. Olardyń arasynda kásipker «Iýgdorstroı» JShS dırektory M.Mahkambaev, JK «Týrsýnbaev Ý» basshysy Ý.Tursynbaev bar. Budan ózge, Shymkent qalasynyń ákimi M.Áıtenovtiń Alǵys haty «Alliance Buildings» JShS dırektory A.Kadırovqa tapsyryldy.

Kelesi kezekte sóz tizgi­nin alǵan qalalyq bilim basqar­ma­synyń basshysy Janat Tájıeva jınalǵan qaýymdy «Jumys berýshiler kúnimen» quttyqtap, JK «Dılbarjon» fırmasynyń jetekshisi D.Mırıakýbovaǵa óziniń atynan rahmetin aıtyp, arnaıy Alǵys hatpen marapattady.

О́z kezeginde kolledj dırek­torynyń orynbasary N.Erǵazy «Kásiporyndarmen ózara is-qı­myl jasaý úshin qajetti negizgi normatıvtik-quqyqtyq aktiler» taqyrybynda baıandama oqyp berdi. Jıyn barysynda birqatar jumys berýshi men kásiporyn basshylary kolledj dırektory M.Elekeevtiń Alǵys hatyna ıe boldy. Osy tusta kolledj jáne JK «Dılbarjon» men «Iýgdorstroı» JShS meke­meleri arasynda ekijaqty memo­randýmǵa qol qoıyldy. Jıyn sońy kelgen qonaqtardyń qurmetine daıyndalǵan kolledj kórkem ónerpazdarynyń konsertine ulasty.

Osy kúni shahardaǵy Polı­teh­nıkalyq kolledjde «Jumys berýshiler» kúnin toılady. Osyǵan oraı qala ákiminiń bi­rinshi orynbasary Sh.Muqan men bilim basqarmasynyń basshysy J.Tájıeva atalǵan bilim ordasyna arnaıy bas suqty. Munda da kolledjdiń tynys-tirshiligimen tanysqan Shyńǵys Jumabekuly jumys berýshilerdi kásibı merekelerimen quttyqtap, Oqý-aǵartý mınıstri jáne qala ákiminiń Alǵys hattaryn tapsyrdy.

«Jastar – bizdiń bolasha­ǵymyz. Olarǵa qamqorlyq jasaý – memlekettiń basty mindeti. О́ıtkeni eldiń erteńgi ustyny – jastar. Sondyqtan olarǵa bar jaǵdaıdy jasaýymyz kerek. Birinshi kezekte, ol áleýmet­tik jaǵynan qamsyzdandyrý ­má­se­­lesi. Osy másele sheshimin tap­sa, demek jastarǵa jaǵdaı­dyń jasalyp jatqandyǵynyń belgisi. Bul turǵyda megapolıs­te maqtaýǵa turarlyq jumys­tar kóp. Kolledjdi bitirgen tú­lek­ter búginde kásiporyndarda, basqa da mekemelerde qyzmet atqaryp, turaqty jumyspen qamtylyp jatyr. Dýaldi júıe de óz nátıjesin berýde. Kolledj shákirtteri teorııalyq sabaq­pen birge kásiporynnyń ózinde tájirıbeden ótip, sheberligin arttyryp keledi. Bul erteńgi kúni daıyn maman retinde jumys­qa ornalasý úshin óte qajet. Shetelde kásiptik oqý úrdisinde keńinen qoldanylatyn bul praktıkany biz de múmkindiginshe paıdalanýymyz kerek. Áleýmettik qamsyzdandyrýdyń bir túrine jastardy baspanamen qamtamasyz etý jaǵy da kiredi. Bul turǵydan alǵanda respýblıkanyń úshinshi megapolısinde bári de oıdaǵy­daı sheshilýde. Memlekettik baǵ­darlama arqyly qanshama jas maman qalada baspanaly bolyp jatyr. Sonyń nátıjesinde jastar tapqan tabysynyń bir bóligin jınap, jeke baspanaǵa qol jetkizýge múmkindik aldy. Bir kezderi gýmanıtarlyq sa­laǵa kóp mán berildi. Oqý bitir­gen túlekter shetinen ekonomıst, zańger bolyp shyqty. Qa­zir qoǵam ózgerdi. Qazaqstan jańa kezeńge qadam basty. Elde damýdyń, ekonomıkalyq órleýdiń dáýiri bastaldy. Osy tusta elimizge tehnıkalyq sala­daǵy mamandardyń qajet eke­ni túsinikti. Prezıdent Qasym-Jomart Toqaev ta memleket budan-bylaı tehnıkalyq mamandyqtarǵa erekshe kóńil bóletinin, qoldaý kórsetetinin qadap aıtty. Osy arada kásiptik kolledjdermen tyǵyz qarym-qatynasta jumys istep, qolyna dıplom alyp shyqqan túlekterdi turaqty jumyspen qamtýda eleý­li eńbek sińirip jatqan jekemen­shik kásiporyndar men kompa­nııalardyń róli men qyzmetin bólekshe atap ótken jón», dedi qala ákiminiń birinshi orynbasary.

Jalpy, atalǵan kolledj­de búgingi tańda 63-ten astam zerthana, kabınetter men dáris­hanalar bar. Oqý ordasy 350 oryndy májilis zaly, 80 oryn­dy oqý zaly, sport zal, medısınalyq pýnkt, ashana men 200 oryndy jataqhana­men qamtylǵan. Kitaphana qory 75 458 dana kitapty quraıdy. Bu­dan bólek kolledj oqytýshy­lary­nyń qurastyrǵan oqýlyq­tary men kitaptary jaryqqa shyǵyp, stýdentter olardy oqý quraly retinde sabaqtarynda qoldanyp keledi. Sondaı-aq oqý ornynyń kitaphanasynda kitaptar men ǵylymı oqýlyqtardy elektrondy nusqaǵa júkteý jumys­ta­ry qarqyndy júrgizilip jatyr. Shymkent qalasy boıynsha 7 kolledj «Jas maman» jobasyna iriktelip alynǵan. Sonyń ishinde Polıtehnıkalyq kolledj de «Jas maman» jobasy aıasynda eki mamandyqtyń biliktilikteri boıynsha kásibı jumysshy­lar­dy daıyndap keledi. Olar – «Radıotehnıka, elektronıka jáne telekommýnıkasııalar», «telekommýnıkasııalyq jab­dyq­tar men baılanys arnalaryn elektromontajdaýshy-ret­teýshi», «elektrmen qamtamasyz etý» jáne tehnık-elektrık maman­dyqtary.

Aıta ketken jón, atalǵan bilim oshaǵynda quqyq buzýshylyq­tyń aldyn alý maqsatynda kópte­gen is-shara uıymdastyrylyp turady. Sonyń nátıjesinde oqý-tárbıe prosesi kezinde kolledj­de oqýshylar arasynda quqyq buzýshylyq, qylmys jaǵdaı­lary bolǵan emes. Qazirgi tańda stýdentterdiń árbir qımylyn 48 beınekamera baqylap otyrady. О́z kezeginde olardyń bar­lyǵy qalalyq polısııa depar­ta­­mentiniń jedel basqarý orta­lyǵyna baryp túsedi. Tártip ornatý men qaýipsizdikti qadaǵalaý maqsatynda munda týrnıket jáne dabyl batyrmalary ornatylǵan.

Budan bólek 2018 jyldyń 31 mamyrynda Polıtehnıka­lyk kolledji «Akkredıtteý jáne reıtıngtik, táýelsizdik agent­tigi» kommersııalyq emes meke­mesi tarapynan halyqara­lyk, ınstıtýtsıonaldyq jáne klas­ter boıynsha 7 mamandyktyń kýá­lik ıegeri atandy. Sondaı-aq ­kolledj sapa menedjmenti boıynsha 2021 jyldyń 21 qań­tarynda úsh jylǵa jaramdy memlekettik tiziminde tirkelgen sáıkestik sertıfıkatyn ıelen­di. Búgingi tańda munda 11 maman­dyq, 19 biliktilik boıynsha teh­nı­kalyq-kásibı mamandar daıarlanady. Oqý ordasynyń bilim baıqaýlarynda jetken ta­bys­­tary da joq emes. Máselen, «WorldSkills Shymkent-2021» ult­­tyq chempıonatynyń Res­pýb­lıkalyq kezeńinde úmitkerler ishinen alǵa sýyrylyp shyq­­qan kolledj stýdentteri 5 quzy­ret­tilik boıynsha saıysqa tústi. Olardyń ekeýi Almaty qala­synda, bireýi Atyraýda ótken bilim dodasynda baqtaryn synap qaıtty. Sonymen qatar VI Respýblıkalyq kásibı sheberlik chempıonatynda «Aqparattyq kabeldik jeliler» quzyrettiligi boıynsha jarysqa qatysqan Sáken Úljebaev júldeli II oryn, bıznes úshin IT sheshimder taqy­rybynda myqtylarmen saıys­qan Konstantın Shepelev medalon ıesi atandy.

ShYMKENT