Búgin Qaraǵandyda kópirde eki avtobýs soqtyǵysyp, saldarynan avtobýs júrgizýshisi qaza tapty, dep habarlaıdy Egemen.kz.
«Jol apaty saldarynan №41 avtobýstyń júrgizýshisi oqıǵa ornynda qaza tapty. 15 jolaýshy men №146 baǵyttyń júrgizýshisi medısınalyq mekemege jetkizildi. Oqıǵa kezinde №41 avtobýs bos boldy», dep habarlady Qaraǵandy oblysynyń jol polısııasy basqarmasynyń baspasóz qyzmeti.
Atalǵan fakti boıynsha qylmystyq is qozǵalyp, tıisti saraptamalar taǵaıyndaldy. Qazir oqıǵanyń mán-jaıy anyqtalýda. Oqıǵa ornynda jedel-tergeý toby, Tótenshe jaǵdaılar departamentiniń qyzmetkerleri jumys istep jatyr.