Qaraǵandyda eki avtobýstyń soqtyǵysýy saldarynan zardap shekkenderdiń jaǵdaıy belgili boldy, dep habarlaıdy Egemen.kz.
Dárigerlerdiń aıtýynsha, apat saldarynan 18 adam aýrýhanaǵa jetkizilgen.
«Barlyǵy 18 adam medısınalyq kómekke júgindi. Olardyń tórteýi aýyr hálde. Sıtýasııalyq ortalyqtyń naqty jumysynyń arqasynda aýyr naýqastar aýrýhanalar arasynda bólindi. Turaqty dınamıkasy bar ekeýi Ońtústik-Shyǵystaǵy bazaǵa jiberildi. О́te aýyr háldegi eki naýqas oqıǵa ornynda qaldy. Jergilikti aýrýhananyń kúshteri men hırýrgtar operasııalyq bólimshe jaǵdaıynda shokqa qarsy jáne reanımasııalyq sharalardy bastady.
Hırýrgter brıgadasy uıymdastyryldy. Onyń quramyna medısına ýnıversıtetiniń qyzmetkerleri, osy bazada ornalasqan hırýrgtar kirdi. Ońtústik-shyǵystan hırýrgtar tartyldy. Qazirgi ýaqytta naýqastardyń jaǵdaıy aýyr. Qarqyndy terapııa júrgizilýde», dep túsindirdi H.J. atyndaǵy kópsalaly aýrýhana travmatologııa bólimshesiniń meńgerýshisi Maqajanova Berik Tóleýbaev.
Aıta keteıik, Qaraǵandyda búgin tańerteń eki jolaýshy avtobýsy soqtyǵysty. Saldarynan qoǵamdyq kólik júrgizýshileriniń biri kóz jumdy.