Astanadaǵy Táýelsizdik saraıynda Qasym-Jomart Toqaev Qazaqstan halqyna ant berdi, dep habarlaıdy Egemen.kz.
Saltanatty ulyqtaý rásimin Konstıtýsııalyq Keńes Tóraǵasy Qaırat Mámı bastady. Ol qaıta saılanǵan Qasym-Jomart Toqaevtyń Prezıdent qyzmetine Konstıtýsııanyń 42-babyna sáıkes halqyna ant bergennen keıin kirisetinin habarlady.
«Qazaqstan halqyna adal qyzmet etýge, Qazaqstan Respýblıkasynyń Konstıtýsııasy men zańdaryn qatań saqtaýǵa, azamattardyń quqyqtary men bostandyqtaryna kepildik berýge, Qazaqstan Respýblıkasy Prezıdentine júktelgen mártebeli mindetti adal atqarýǵa saltanatty túrde ant etemin!», dep Qasym-Jomart Toqaev halyqqa ant berdi.
Osy sátten bastap Prezıdent resmı qyzmetine kirisken bolyp sanalady. Ant berilgennen keıin Qazaqstan Respýblıkasynyń Memlekettik Gımni oryndaldy.
Budan soń, Prezıdentke kýálik tabystaldy. Qasym-Jomart Toqaev Qazaqstan Respýblıkasynyń Prezıdenti qyzmetine kiristi.