Jetisý oblysynda aýa raıynyń qolaısyzdyǵyna baılanysty respýblıkalyq mańyzy bar birneshe jol jabyldy, dep habarlaıdy Egemen.kz oblystyq tótenshe jaǵdaılar departamentiniń baspasóz qyzmetine silteme jasap.
«26 qarashada saǵat 14:30-dan bastap aýa raıynyń nasharlaýyna baılanysty «Úsharal-Dostyq» respýblıkalyq mańyzy bar avtojolynda, respýblıkalyq mańyzy bar «Almaty-О́skemen» avtojolynda, respýblıkalyq mańyzy bar «Saryózek-Kóktal» avtojolynda kóliktiń barlyq túrleri úshin qozǵalys jabyldy», delingen habarlamada.
Vedomstvo ókilderi turǵyndardan atalǵan baǵyttaǵy saparlardan bas tartýdy jáne 112 qyzmetiniń SMS habarlamalaryn nazardan tys qaldyrmaýdy surady.