Men ótken prezıdent saılaýy kezinde Aqjaıyq aýdany boıynsha «Amanat» partııasynyń shtab jetekshisi bolǵan edim. Naýqan kezinde kóptegen eldi mekendi araladyq, halyqpen júzdestik. Sol kezde saılaýshylar tarapynan kóptegen saýal, usynys, pikir tústi.
Árıne, aýyl halqy óńirdegi áleýmettik-turmystyq ahýaldyń budan da jaqsarǵanyn qalaıdy. Bizdiń aýdanda eldi mekender túgelge jýyq tabıǵı gaz, taza sý jelisine qosylǵan, alaıda jol máselesi ótkir aýyldar bar. Sondyqtan Prezıdent Qasym-Jomart Toqaevtyń saılaýdan keıingi alǵashqy Jarlyǵy aýyldy damytý jóninde bolǵanyna erekshe qýandym. Memleket basshysynyń bul sózi tek meni ǵana emes, dúıim halyqty qýantty dep oılaımyn. Batys Qazaqstan oblysynan kelgen delegasııa quramynda el Prezıdentin ulyqtaý rásimine qatysyp, tarıhı oqıǵanyń ortasynda bolǵanym – ómirimniń erekshe belesi boldy.
Artýr ERMUHANOV,
«Amanat» partııasy Aqjaıyq aýdandyq fılıalynyń atqarýshy hatshysy
Batys Qazaqstan oblysy