Sınoptıkter birneshe óńirde daýyldy eskertý jarııalady, dep habarlaıdy Egemen.kz.
30 qarashada Qyzylorda oblysynda jel soltústik-shyǵystan batysqa qaraı soǵady, ortalyǵynda kúshi 15-20 m/s jetedi.
Shyǵys Qazaqstan oblysynyń soltústik-shyǵysynda túngi ýaqytta 40 gradýs aıaz bolady.
Al Túrkistan oblysynyń taýlarynda qatty jaýyn-shashyn (jańbyr, qar) jaýady. Oblystyń batysynda, ońtústiginde, taýly jáne taý bókterli aýdandarynda tuman, kóktaıǵaq bolýy múmkin. Ońtústik-batystan jel soǵady, taý asýlarynda ekpini 15-20 m/s jetedi. Oblys ortalyǵynda jáne Shymkent qalasynda tuman túsip, kóktaıǵaq bolýy yqtımal.
Jetisý oblysynyń soltústiginde, taýly aýdandarynda tuman kútiledi. Soltústik-shyǵystan jel soǵady. Alakól kólderi aýdanynda ońtústik-shyǵystan keı ýaqyttarda 30 m/s bolady.