Senat Spıkeri Máýlen Áshimbaev QHR-dyń burynǵy Tóraǵasy Szıan Szemınniń qaıtys bolýyna baılanysty Qytaı halqyna kóńil aıtty, dep habarlaıdy Egemen.kz Senattyń baspasóz qyzmetine silteme jasap.
Máýlen Áshimbaev Qytaıdyń Qazaqstandaǵy elshiligine baryp, Parlament Senatynyń atynan kóńil aıtý kitabyna jazba qaldyrdy. Ol Szıan Szemın QHR-dyń damýyna úlken úles qosqanyn, sondaı-aq eki el arasyndaǵy yntymaqtastyqty nyǵaıtýda mańyzdy ról atqarǵanyn atap ótti.
Aıta keteıik, buǵan deıin Szıan Szemınniń qazasyna baılanysty Memleket basshysy Qasym-Jomart Toqaev QHR Tóraǵasy Sı Szınpınge kóńil aıtý jedelhatyn joldaǵan edi. Onda eki el arasyndaǵy berik dostyqty nyǵaıtýǵa súbeli úles qosqan tulǵa retinde Szıan Szemınniń jarqyn beınesi halyqtarymyzdyń jadynda məńgi saqtalatyny aıtylǵan.