Astanada asyq atýdan debıýttik Azııa chempıonaty ótti. Jarysqa Qazaqstan, Pákistan, Mońǵolııa, Úndistan, Qytaı, Reseı, Tájikstan, О́zbekstan jáne Qyrǵyzstannan kelgen qatysýshylar qatysty, dep habarlaıdy Egemen.kz.
Tórt kúndik jarys barysynda 80 qatysýshy asyq atý men bes asyqtan chempıon ataǵyn sarapqa saldy.
Asyq atýdan jarys qorytyndysy boıynsha qazaqstandyq eki komanda birinshi jáne ekinshi orynǵa ıe boldy, al «qola» medal Qyrǵyzstannan kelgen qonaqtarǵa buıyrdy.
«Bes Asyq» baǵdarlamasyna qatysqan qazaqstandyq qyzdar «altyn» men «kúmis» medal enshilese, Mońǵolııa áıelder quramasy úshinshi atandy.